Psa 100 | HUI | STEP | Wali agali dindi bibahendeni paluyu pedamirume Anduane Homogohondo turu howa iba gana lo milimu.

a 100.3Iba 79.13, 95.7, Ese 34.30-31, Eb 2.10

b 100.51 Bit 16.34, 2 Bit 5.13, 7.3, Esr 3.11, Iba 106.1, 107.1, 118.1, 136.1, Yar 33.11

Psalms 100

Anduane Homogonaga mini mo yaraga halu iba gana lalu lenego ogo

1 Wali agali dindi bibahendeni paluyu pedamirume
Anduane Homogohondo turu howa iba gana lo milimu.
2 Turu howa iba gana turubiru lama lama
ibu mitangi bialu lotu lole ibunaga wanakuini íbu halimu.

3 Anduane Homogo ibu Ngode Datagaliwabeore ka manda bilimu. ^a
Ibugua ina wabinigo ina ibunagaore kama.
Ibunaga wali agali howa ina ibunaga nogo sibi kamagoni.
Anigo ibugua nogo sibi haru hagadagua ina haru haga ka.

4 Ibunaga anda loma bia henegonaga harabani anda ibalu
ibuhondo ka̱i̱ lalu iba ganaru lama lama anda mali̱ya.
Ibunaga mini yaraga hama hama anda tamuha anda mali̱ya.
Ibuhondo ka̱i̱ lalu ibunaga mini mo yaraga hami̱ya.

5 Anduane Homogo ibu bayaore gibi kago ibunaga gubalini holene ngagome ^b
ina gubalini haho wiaabo kagoni.
Ibugua ibunaga wali agaliruhondo,
Bulebero, lowiniru mbira mo habo nale
ibu mini bilinahe howa biaiore haga kago
ibunaga mini yaraga hami̱ya.